ვეცადე გადარწმუნებას, მაგრამ არ გამომივიდა, განსაკუთრებით ანიზე ვნერვიულობ -დეკანოიძე შიმშილობაზე
გამოქვეყნდა:
მათ გადაწყვიტეს ინდივიდუალური თავგანწირვის აქტი შიმშილობა განახორციელონ, ვეცადე გადარწმუნებას, მაგრამ სამწუხაროდ არ გამომივიდა - აცხადებს ენმ-ს წევრი, ხატია დეკანოიძე თანაპარტიელების შიმშილობასთან დაკავშირებით. დეკანოიძის თქმით, პროტესტის ამგვარი ფორმა და ჯანმრთელობის დაზიანება მისთვის მიუღებელია.
"ვიყავი კატეგორიული წინააღმდეგი, ჯერ კიდევ გუშინ, როცა მიხეილ სააკაშვილი შიმშილობდა, ჩემს მეგობრებს ჰქონდათ შიმშილობის იდეა. მათ დღეს ინდივიდუალური გადაწყვეტილება მიიღეს. მე პირადად და რამდენიმე ადამიანი ფრაქციაში კატეგორიული წინააღმდეგი ვიყავით, ჯანმრთელობის ნებისმიერი დაზიანების მიმდინარეობისას ვარ წინააღმდეგი და ისინი ჩემი მეგობრები არიან. განსაკუთრებით ვნერვიულობ ანიზე, არ მიწყენენ, ალბათ ჩემი მეგობრები, განსაკუთრებით ბევრი ვეცადე, რომ ანი გადამერწმუნებინა, მაგრამ ანის ძალიან ემოციური ფონი აქვს და ყველა ჩვენგანს აქვს ემოციური ფონი. " თქვა დეკანოიძემ.
შეგახსენებთ, ენმ-ს დეპუტატებმა დავით კირკიტაძემ, ანი წითლიძემ და აბდულა ისმაილოვმა მიხეილ სააკაშვილის საზღვარგარეთ სამკურნალოდ გაშვების მოთხოვნით, პარლამენტში დღეს შიმშლობა დაიწყეს.
