შეუძლებელია უყურო როგორ კლავენ საქართველოს ისტორიასა და მის პრეზიდენტს ცივილური სამყაროს წინაშე - პოდოლიაკი
გამოქვეყნდა:
"შეუძლებელია უყურო როგორ კლავენ საქართველოს ისტორიასა და მის პრეზიდენტს ცივილური სამყაროს წინაშე", - ამის შესახებ უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი ტვიტერზე წერს.
მისივე განცხადებით, უკრაინა მზად არის მიიღოს მიხეილ სააკაშვილი, უზრუნველყოს მისი უსაფრთხოება და სათანადო მკურნალობა.
"შეუძლებელია უყურო როგორ კვდება პირდაპირ ეთერში ადამიანი, რომელსაც იცნობ. შეუძლებელია უყურო როგორ კლავენ საქართველოს ისტორიასა და მის პრეზიდენტს ცივილური სამყაროს წინაშე. უკრაინა მზად არის მიიღოს მიხეილ სააკაშვილი, უზრუნველყოს მისი უსაფრთხოება და სათანადო მკურნალობა. საქართველო, გააკეთე სწორი არჩევანი", - წერს მიხაილო პოდოლიაკი.
შეგახსენებთ, მიხეილ სააკაშვილზე ვიდეომიმართვაში გასულ ღამეს უკრაინის პრეზიდენტმაც ისაუბრა. ვოლოდიმირ ზელენსკიმ საქართველოს ხელისუფლებას მოუწოდა, მისცენ მიხეილ სააკაშვილს საზღვარგარეთ მკურნალობის საშუალება.
