"ბოლო მოხსენება პრეზიდენტთან, გუშინ იყო" - გერაშენკო მონასტირსკისა და ზელენსკის შეხვედრის ფოტოს აქვეყნებს
გამოქვეყნდა:
უკრაინის შინაგან საქმეთა მინისტრის მრჩეველი, ანტონ გერაშენკო Telegram-ში წერს, რომ პრეზიდენტ ვოლოდიმირ ზელენსკისა და შს მინისტრს, დენის მონასტირსკის ბოლო შეხვედრა გუშინ შედგა.
მონასტირსკი პრეზიდენტს დნიპროში, ოკუპანტების მიერ დაბომბილი მრავალსართულიანი სახლის ნანგრევებში მშვიდობიანი მოსახლეობის დაღუპვის შესახებ ესაუბრა და შესაბამისი ანგარიში გააცნო.
"შინაგან საქმეთა მინისტრის, დენის მონასტირსკის ბოლო მოხსენება პრეზიდენტს დნიპროში მშვიდობიანი მოსახლეობის მკვლელობის შესახებ რუსული რაკეტით.
გუშინ იყო... ხსოვნა იყოს",- წერს გერაშენკო.
შეგახსენებთ, დღეს ბროვარში საბავშვო ბაღს ვერტმფრენი დაეცა. მომხდარ ავიაკატასტროფას უკრაინელი სახელმწიფო მოხელეები ემსხვერპლნენ, მათ შორის, შს მინისტრი დენის მონასტირსკიც. გამოძიება მომხდარ ტრაგიკულ შემთხვევაზე რამდენიმე მიმართულებით მიმდინარეობს.
ამავე თემაზე:
- უკრაინამ განაახლა ინფორმაცია ავიაკატასტროფისას დაღუპულთა შესახებ - გარდაცვლილია 16, მათ შორის 3 ბავშვი
- "ტრაგედიის რამდენიმე ვერსია განიხილება"- SBU-ს განცხადება ბროვარში, ავიაკატასტროფაზე
- ტკივილი ენით აუწერელია, ვუსამძიმრებ დაღუპულთა მეგობრებსა და ოჯახებს - ზელენსკი ავიაკატასტროფაზე
- ავიაკატასტროფას კიევის ოლქში 3 უკრაინელი მაღალჩინოსანი ემსხვერპლა - მომხდარზე გამოძიება დაიწყო
