აშშ-მ ატლანტის ოკეანის თავზე, ე.წ. ჩინური ჯაშუშური ბუშტი ჩამოაგდო. კადრები პირდაპირი ეთერით გადაიცემოდ.
ბუშტს აშშ-ის საჰაერო ძალების კუთვნილმა F-22-ის ტიპის გამანადგურებლებმა ესროლეს და სამხრეთ კაროლინას სანაპიროზე ჩამოაგდეს.
იქამდე კი ფედერალურმა საავიაციო ადმინისტრაციამ საჰაერო სივრცე დახურა სამხრეთ და ჩრდილოეთ კაროლინას შტატების სანაპიროებთან. შეჩერდა აეროპორტების მუშაობაც. ჩამოგდების შემდეგ, აშშ-ს საზღვაო ძალების ხომალდი ობიექტის ნამსხვრევებს წყლიდან ამოიღებს.
აშშ-ის საჰაერო სივრცეში დაფიქსირებულ საჰაერო ბურთს ჩინეთის ხელისუფლებამ მეტეოროლოგიური ხელსაწყო უწოდა, რომელმაც მათი თქმით, კურსს გადაუხვია და აშშ-ში შემთხვევით, ცუდი ამინდის გამო მოხვდა. აშშ-ის ოფიციალური პირები კი აცხადებდნენ, რომ ობიექტი "სათვალთვალო ხელსაწყო" იყო.
ამ ფაქტის გამო, სახელმწიფო მდივანმა, ენტონი ბლინკემა პეკინში ვიზიტი გადადო.
