ორშაბათს თურქეთსა და სირიაში მომხდარი მიწისძვრის შედეგად დაღუპულთა რიცხვმა 36 000-ს გადააჭარბა. ამ მონაცემებით, დამანგრეველ მიწისძვრას ორივე ქვეყანაში 36 217 ადამიანი ემსხვერპლა.
ოფიციალური ინფორმაციით, თურქეთში 31 643 ადამიანი დაიღუპა, სირიაში კი 4 574.
ორივე ქვეყანაში სამძებრო-სამაშველო სამუშაოები გრძელდება. საერთაშორისო ორგანიზაციები და ქვეყნები დაზარალებულების დახმარებას ცდილობენ. თურქეთში სამაშველო ჯგუფი და ტექნიკა გაგზავნა საქართველომაც.
საგარეო საქმეთა სამინისტროს ცნობით, თურქეთში მიწისძვრას ემსხვერპლა საქართველოს 5 მოქალაქე.
