თუ პრეტენზია გაქვთ, იყოთ გლობალური მოთამაშე, არარეალურ გეგმას არ უნდა გვთავაზობდეთ - პოდოლიაკი ჩინეთს
გამოქვეყნდა:
უკრაინის პრეზიდენტის მრჩეველი ჩინეთის 12-პუნქტიან სამშვიდობო გეგმას ეხმაურება და მას არარეალურს უწოდებს.
"თუ პრეტენზია გაქვთ, რომ იყოთ გლობალური მოთამაშე, მაშინ არარეალურ გეგმას არ უნდა გვთავაზობდეთ, არ უნდა დებდეთ ფსონს აგრესორზე, რომელმაც დაარღვია საერთაშორისო კანონი და წააგებს ომს. ეს არ არის შორსმჭვრეტელობა. "შესაძლებლობების ფანჯარა" უსასრულო არაა",- წერს მიხაილო პოდოლიაკი.
უკრაინაზე რუსეთის შეჭრის წლისთავზე ჩინეთის საგარეო საქმეთა სამინისტრომ გამოაქვეყნა თავისი "პოზიცია უკრაინის კრიზისის მოგვარების შესახებ". ჩინეთის გეგმა მოიცავს:
- ყველა ქვეყნის სუვერენიტეტის პატივისცემა
- "ცივი ომის მენტალიტეტის" უარყოფა
- საომარი მოქმედებების შეწყვეტა
- სამშვიდობო მოლაპარაკებების განახლება
- ჰუმანიტარული კრიზისის მოგვარება
- მშვიდობიანი მოსახლეობისა და სამხედრო ტყვეების დაცვა
- ატომური ელექტროსადგურების უსაფრთხოების უზრუნველყოფა
- სტრატეგიული რისკების შემცირება
- მარცვლეულის ექსპორტის ხელშეწყობა
- "ცალმხრივი სანქციების" შეწყვეტა
- სამრეწველო ჯაჭვებისა და მიწოდების ჯაჭვების სტაბილურობის შენარჩუნება
- ომისშემდგომი რეკონსტრუქციის ხელშეწყობა.
