შუამავლობა სანქციების გვერდის ავლაში - ISW ჩინეთში ლუკაშენკოს დაგეგმილი ვიზიტის მიზეზებზე წერს
გამოქვეყნდა:
შუამავლობა სანქციების გვერდის ავლაში - ომის შემსწავლელი ინსტიტუტის (ISW) ყოველდღიური განახლებაში საუბარია ჩინეთში ბელარუსის პრეზიდენტის მოსალოდნელ ვიზიტზე.
ომის შესწავლის ინსტიტუტის ანალიტიკოსების აზრით, ოფიციალური პეკინი შესაძლოა, ცდილობდეს, გამოიყენოს ბელარუსთან შეთანხმებები რუსეთისთვის იარაღის მიწოდებისას სანქციების დარღვევის ფაქტების დასამალად.
ლუკაშენკომ გამოაცხადა, რომ აპირებს ეწვევიოს ჩინეთს 28 თებერვლიდან 2 მარტამდე და შეხვდება სი ძინპინს, რომელიც, სავარაუდოდ, ხელს მოაწერს შეთანხმებებს ვაჭრობის, ინვესტიციების, ფართომასშტაბიანი ერთობლივი პროექტების შესახებ და სხვა საკითხებზე. ლუკაშენკო ასევე გეგმავს შეხვედრებს ჩინელ მაღალჩინოსნებსა და ჩინური კორპორაციების ხელმძღვანელებთან.
ექსპერტების აზრით, ბელარუსის დიქტატორის ჩინეთში დაგეგმილი მოგზაურობის შესახებ ინფორმაცია, სავარაუდოდ, იმის დადასტურებაა, რომ ჩინეთი განიხილავს რუსეთის ფედერაციისთვის ლეტალური დახმარების შესაძლებლობას.
"ლუკაშენკოს განცხადება დაგეგმილი ვიზიტის შესახებ ემთხვევა CNN-სა და The Washington Post-ის მოხსენებას, რომ აშშ-ის მაღალი რანგის ოფიციალური პირები ფიქრობენ, რომ ჩინეთი სერიოზულად განიხილავს რუსეთისთვის საბრძოლო თვითმფრინავების, პირადი იარაღის და 122 მმ და 152 მმ-იანი საარტილერიო ჭურვების მიყიდვას. რუსმა და ჩინელმა ოფიციალურმა პირებმა ასევე შეიმუშავეს გეგმები რუსეთში თვითმფრინავების გაგზავნის შესახებ ყალბი გადაზიდვის დოკუმენტებით, რათა თავიდან აიცილონ საერთაშორისო სანქციები. ჩინეთმა შეიძლება შეეცადოს გამოიყენოს ბელარუსთან შეთანხმებები სანქციების დარღვევის გასათვალისწინებლად.",- ნათქვამია განცხადებაში.
აღსანიშნავია, რომ ამერიკის შეერთებული შტატების პრეზიდენტმა ჯო ბაიდენმა თქვა, რომ შეერთებული შტატები "უპასუხებს", თუ უკრაინის წინააღმდეგ ომში გამოსაყენებლად, ჩინეთი რუსეთს ლეტალურ იარაღს მიაწვდის.
ხოლო შეერთებული შტატების ცენტრალური სადაზვერვო სააგენტოს (CIA) დირექტორის, თქმით, აშშ დარწმუნებულია, რომ ჩინეთი რუსეთისთვის ლეტალური დახმარების გაგზავნას განიხილავს, თუმცა უილიამ ბერნსიმ აღნიშნა, რომ ოფიციალურ პეკინს საბოლოო გადაწყვეტილება არ მიუღია.
