სპეცოპერაცია ფონიჭალაში და ლაგოდეხში - ნარკოდანაშაულის ბრალდებით 10-ზე მეტი პირია დაკავებული

თბილისში, ფონიჭალაში, რამდენიმე ადგილზე სპეცოპერაცია მიმდინარეობს. შინაგან საქმეთა სამინისტროს წარმომადგენელმა განცხადება ცოტა ხნის წინ გააკეთა და თქვა, რომ დაკავებულია 10-ზე მეტი პირი. მათ გამოძიება ნარკოტიკის შეძენა-შენახვასა და რეალიზაციას ედავება. 

დაკავებულებს შორის არიან ქალები და უცხო ქვეყნის მოქალაქეები. 

"გრძელდება უკომპრომისო ბრძოლა ნარკორეალიზატორების წინააღმდეგ, დღეს მთელი ქვეყნის მასშტაბით, სხვადასხვა ქალაქებში, მათ შორის ფონიჭალაში, 4 ლოკაციაზე მოსამართლის განჩინების საფუძველზე დაკავებულია 10-ზე მეტი რეალიზატორი ამ დრომდე, ღონისძიება გრძელდება. მოღებულია სხვადასხვა სახით, დიდი რაოდენობით ნარკოტიკული საშუალებები. არიან როგორც მანდილოსნები, ასევე უცხო ქვეყნის მოქალაქეებიც. დარწმუნებული ვარ დღის ბოლომდე დაკავებულების რაოდენობა მინიმუმ გაორმაგდება", - თქვა შსს-ს წარმომადგენელმა. 

სპეცოპერაცია ისევ მიმდინარეობს ლაგოდეხში, სოფელ კაბალში. კახეთის პოლიციის სამხარეო დეპარტამენტის ხელმძღვანელმა განაცხადა, რომ დაკავებულია 4 ნარკორეალიზატორი.

"მთავარ არხთან" ადგილობრივები ამბობენ, რომ პირი, რომელიც დაკავებულთა შორისაა ყაზახეთში იმყოფებოდა, ჰქონდა გარკვეული ბიზნესი და წარსულშიც იყო დაკავებული.

ადგილზე საგამოძიებო მოქმედებები ისევ მიმდინარეობს.