ოპოზიცია დაბოღმილია, ქალაქს სჭირდება განახლება და არა პოლიტიკური სპეკულაციები - კალაძე წერეთელზე
გამოქვეყნდა:
თბილისის მერის კახი კალაძის თქმით, ოპოზიციის მოსაზრებები იმასთან დაკავშირებით, რომ უმჯობესი იქნებოდა წერეთლის გამზირის სარეაბილიტაციო სამუშაოები ზაფხულში დაწყებულიყო, მხოლოდ პოლიტიკური სპეკულაცია, აბსურდი და სისულელა.
კალაძე ამბობს, რომ ოპოზიცია ისეა დაბოღმილი, არ იციან რა თქვან.
"ეს არის ჩვეულებრივი პოლიტიკური სპეკულაცია, აბსურდი და სისულელე. კარგი, ვთქვათ, სარეაბილიტაციო სამუშაოები დავიწყეთ ზაფხულში, პროექტის დასრულება ხომ გადაიწევდა შემდეგ თვეებში - სექტემბერი, ოქტომბერი, ნოემბერი, დეკემბერი იანვარი, თებერვალი... დღეს ვამბობთ, რომ პროექტი სრულდება იანვარში. მოგვიანებით რომ დაგვეწყო, ცხადია, მოგვიანებით დასრულდებოდა. მაშინ რას ვეუბნებოდით მოსახლეობას, სექტემბერში არ იქნებოდნენ დაბრუნებული საზაფხულო შვებულებებიდან? ასე რომ, ეს პოლიტიკური სპეკულაცია. ისე არიან დაბოღმილები, რომ არ იციან, რა თქვან. როდესაც ქალაქისთვის მნიშვნელოვანი პროექტები ხორციელდება, ათას სისულელეს იგონებენ. როგორ არ უნდა გესიამოვნოს ადამიანს, როდესაც ქალაქში ასეთი მნიშვნელოვანი პროექტი მიმდინარეობს? კომუნისტების შემდეგ აქ სამუშაოები აღარავის უწარმოებია, იცვლებოდა მხოლოდ გზის საფარი და მეტი არაფერი. რა არის ამაში ცუდი, რომ კომუნიკაციების შეცვლა მიმდინარეობს, ქუჩის ახალი დიზაინი გვექნება, როგორიც არის ჭავჭავაძის, მელიქიშვილისა და ქეთევან დედოფლის გამზირები. ჩვენს ქალაქს სჭირდება განახლება", - განაცხადა კახა კალაძემ.
იხილეთ:
