წინასწარი შედეგებით, თურქეთში, სავარაუდოდ, საპრეზიდენტო არჩევნების მეორე ტური გაიმართება. ყველა წინასწარი მონაცემის თანახმად, საპრეზიდენტო არჩევნებში ვერცერთი კანდიდატი 50%-ზე მეტს ვერ აგროვებს.
მეორე ტურში კი, ჩანიშვნის შემთხვევაში, ერთმანეთს მოქმედი პრეზიდენტი რეჯეფ თაიფ ერდოღანი და ქემალ ქილიჩდაროღლუ დაუპირისპირდებიან.
თურქეთის სამთავრობო საინფორმაციო სააგენტოს Anadolu-ს მონაცემებით, დათვლილია ამომრჩეველთა 93.02%, აქედან ერდოღანს 49.67% აქვს, ქილიჩდაროღლუს კი 44.59%.
ამის პარალელურად, დამოუკიდებელი სააგენტო Anka, რომელიც უფრო პრო-ოპოზიციურად მიიჩნევა, წერს, რომ ხმების 95.04%-ის დათვლის შედეგად, ერდოღანს 49%, ქილიჩდაროღლუს კი 45.2% აქვს.
ხმის დათვლის პროცესი ჯერ კიდევ მიმდინარეობს, არჩევნების ოფიციალური შედეგი ჯერჯერობით არ გამოქვეყნებულა.
ჩანიშვნის შემთხვევაში, არჩევნების მეორე ტური თურქეთში 28 მაისს გაიმართება.
იხილეთ ასევე:
