ფორმალური კენჭისყრა - იუსტიციის საბჭოს არამოსამართლე წევრების ასარჩევად მესამე ტური 30 მაისს გაიმართება
გამოქვეყნდა:
პარლამენტმა იუსტიციის უმაღლესი საბჭოს არამოსამართლე წევრის ორ ვაკანტურ თანამდებობაზე ასარჩევად ოთხ კანდიდატს - რუსუდან კვინიკაძის, გოგა კიკალაშვილის, ლევან ნემსაძისა და ნინო ნიშნიანიძეს, ხელახლა უყარა კენჭი, თუმცა ვერცერთმა კანდიდატმა ასარჩევად საჭირო 90 ხმა ვერ მიიღო.
ხუთი ხმა მიიღო რუსუდან კვინიკაძემ, 6 გოგა კიკალაშვილმა, 10 ლევან ნემსაძემ, 11 ხმა ნინო ნიშნიანიძემ.
მესამე ტური 30 მაისს გაიმართება.
ცნობისთვის, იქამდე "ოცნების" თავმჯდომარე გამოვიდა ინიციატივით, დღევანდელი კენჭისყრა ყოფილიყო ფორმალური და კონსულტაციებისთვის დაეტოვებინათ მეტი დრო.
