ჩვენთან ერთად მოიპოვეთ თავისუფლება!
რუსული მედიის ცნობით, Superjet 100-ის სამგზავრო თვითმფრინავი ულიანოვსკიდან ფრენისას შერემეტიევოს აეროპორტში ავარიულად დაეშვა.
როგორც РИА Новости-ს, საგანგებო სიტუაციების სამსახურის წარმომადგენელმა განუცხადა, თვითმფრინავს კონტროლის სისტემაში ტექნიკური პრობლემები ჰქონდა. სხვა დეტალები ამ ეტაპზე უცნობია. წინასწარი ინფორმაციით, მსხვერპლი არ არის
ავიაკომპანიის წარმომადგენლის თქმით, ლაინერი აეროპორტში მოსკოვის დროით 14:39 საათზე დაჯდა.
ცნობისთვის, სწორედ Superjet 100-ის თვითმფრინავებით ასრულებს ავიარეისებს კომპანია "აზიმუტი" საქართველოშიც.
იმ მიზეზით, რომ საერთაშორისო სანქციების გამო, რუსულ ავიაკომპანიებს თვითმფრინავებისთვის საჭირო ნაწილები საზღვარგარეთიდან ვეღარ შეაქვთ, რუსეთმა Superjet-100-ის წარმოების მკვეთრად შემცირების გადაწყვეტილება მიიღო.
