მიშელი: როგორც არასდროს, საჭიროა სისტემური რეფორმები, ინკლუზიურობა და გამჭვირვალობა
გამოქვეყნდა:
ევროპული საბჭოს პრეზიდენტი, შარლ მიშელი საქართველოს პრემიერმინისტრთან, ირაკლი ღარიბაშვილთან შეხვედრის შესახებ წერს. მიშელის თქმით, საქართველოს ახლა ისტორიული შანსი აქვს და რეფორმები საჭიროა ისე, როგორც არასდროს.
"კეთილი იყოს თქვენი დაბრუნება ბრიუსელში.
ისტორიული ევროპული პერსპექტივით, თქვენ გაქვთ შესაძლებლობა ჩამოაყალიბოთ ახალი ტრაექტორია საქართველოს თაობებისთვის. სისტემური რეფორმები, ინკლუზიურობა და გამჭვირვალობა ახლა უფრო მეტად საჭიროა, ვიდრე ოდესმე", - წერს შარლ მიშელი.
ღარიბაშვილი მიშელს ბრიუსელში დღეს, 14 ივნისს შეხვდა. შეხვედრასთან დაკავშირებით განცხადება გაავრცელა მთავრობის ადმინისტრაციამ. მთავრობის ინფორმაციით, შეხვედრის მთავარი თემა საქართველოს ევროკავშირში გაწევრიანების პროცესი იყო.
ამავე თემაზე:
