ოკუპირებილ სოფელ ორჭოსანთან ოკუპანტები გამოჩნდნენ. მანქანა ცენტრალური მაგისტრალიდანაც ჩანს, რადგან ეს ტერიტორია ავტობანიდან დაახლოებით 250 მეტრშია.
ანტისაოკუპაციო მოძრაობის წევრის, დავით ქაცარავას ინფორმაციით, ეს არის რუსული სამხედრო ავტომობილი ე.წ. ბობიკი. მოძრაობამ ტერიტორიაზე დრონი გაუშვა და სწორედ ამის შემდეგ მიიღო ეს ინფორმაცია.
დღეს, აგვისტოს ომის 12 წლისთავთან დაკავშირებით, სამოქალაქო აქტივისტებმა სოფელ ხურვალეთში შესვლა სცადეს, რისი საშუალებაც მათ ქართველმა სამართალდამცველებმა, მათივე უსაფრთხოებიდან გამომდინარე არ მისცეს.
ქაცარავა ვარაუდობს, რომ ოკუპანტების დღევანდელი გააქტიურება სწორედ ამ აქციის პასუხია. მისივე თქმით, რუსეთი რეაგირებს და აკონტროლებს მისივე ოკუპირებულ ტერიტრიას, საქართველოს ხელისუფლება კი ამ დროს უმოქმედოა.
