პუტინი პრიგოჟინის მებრძოლებს თავდაცვის სამინისტროსთან კონტრაქტის გაფორმებას, სახლში დაბრუნებას ან ბელარუსში წასვლას სთავაზობს
გამოქვეყნდა:
რუსეთის პრეზიდენტმა ვლადიმერ პუტინმა "ვაგნერის" მებრძოლებს თავდაცვის სამინისტროსთან კონტრაქტის გაფორმება, სახლში დაბრუნება ან ბელარუსში წასვლა შესთავაზა.
გარდა ამისა, სიტყვით გამოსვლისას, პუტინმა "ვაგნერელები" დაარწმუნა, რომ მიცემული დაპირება აუცილებლად შესრულდება.
მან ასევე მადლობა გადაუხადა ლუკაშენკოს "აჯანყების დარეგულირებაში შეტანილი წვლილისთვის.
შეგახსენებთ, რომ 23 ივნისის საღამოს ევგენი პრიგოჟინმა თავდაცვის სამინისტრო ვაგნერის პოზიციებზე თავდასხმაში დაადანაშაულა და შეიარაღებული ამბოხი წამოიწყო. 24 ივნისს ვაგნერელებმა დონის როსტოვში სამხედრო ობიექტები დაიკავეს. FSB-მ მის წინააღმდეგ სისხლის სამართლის საქმე შეიარაღებული აჯანყების ორგანიზებისთვის აღძრა.ვლადიმერ პუტინმა დაჯუფების მოქმედებებს ღალატი უწოდა და პრიგოჟინს დასჯით დაემუქრა.
24 ივნისის საღამოს ვაგნერელებმა ვორონეჟშიც დაიკავეს სტრატეგიული ობიექტები და მოსკოვის მისადგომებთან მივიდნენ. თუმცა, ვითარების დასარეგულირებლად მოლაპარაკებები გაიმართა ბელარუსის პრეზიდენტის, ალექსანდრე ლუკაშენკოს მონაწილეობით. შედეგად, რუსეთის ხელისუფლებამ პირობა დადო, რომ შეაჩერებდა სისხლის სამართლის საქმეს ევგენი პრიგოჟინის წინააღმდეგ და არ დასჯიდა აჯანყების მონაწილეებს. პრიგოჟინმა უსაფრთხოების გარანტია მიიღო, თუმცა შეთანხმების მიხედვით, ის ბელარუსში უნდა გამზავრებულიყო.
იხილეთ ასევე:
