12 წლის გოგონას განზრახ მკვლელობის გახმაურებული საქმე შესაძლოა გამოუძიებელი დარჩეს. საქმისთვის კრიტიკულად მნიშვნელოვანი მტკიცებულებები დაზიანებული და გამოუსადეგარია. ირკვევა რომ ნიმუშები არასათანადოდ იყო შენახული, რამაც მათი დაობება გამოიწვია და ახლა უკვე შეუძლებელია იმის დადგენა, ვის ეკუთვნის ანა იანუშაიტიტეს სხეულზე აღმოჩენილი უცხო პირის დნმ. ახლა საქმეში კიდევ უფრო მეტი პასუხგაუცემელი შეკითხვაა , მათ შორის მთავარი, როგორ და სად მოხდა მტკიცებულებების დაზიანება.
