დუნაის საპორტო ინფრასტრუქტურაზე იერიშის შედეგად მარცვლეულის ანგარი დაზიანდა - დაშავდა 6 პირი
გამოქვეყნდა:
ოდესის ოლქის სამხედრო ადმინისტრაციის ხელმძღვანელის, ოლეგ კიპერის განცხადებით, გასულ ღამეს რუსეთის თავდასხმის შედეგად დაზიანდა დუნაის საპორტო ინფრასტრუქტურა, დაშავდა 6 ადამიანი, მათგან ოთხი კლინიკაში გადაიყვანეს.
მანამდე ცნობილი იყო 4 დაშავებულის შესახებ.
"რუსმა ტერორისტებმა ამ ღამით კიდევ ერთხელ შეუტიეს ოდესის რეგიონს. ამჯერად სამიზნე იყო მდინარე დუნაის საპორტო ინფრასტრუქტურა. ოთხი საათის განმავლობაში რუსები უტევდნენ პორტებს შაჰიდ-136 დრონებით. სამი უპილოტო საფრნმა აპარატი გაანადგურა ჩვენი საჰაერო თავდაცვის ძალებმა", - წერს კიპერი.
დარტყმის შედეგად განადგურდა მარცვლეულის ანგარი, დაზიანდა ტვირთის შესანახი ავზები.
