უკრაინაში ომის დაწყების შემდეგ რეგისტრირებული 21,300 კომპანიიდან მხოლოდ 1,700-მდე კომპანიის საქმიანობის სფეროა ცნობილი. ამის შესახებ ინფორმაციას არასამთავრობო ორგანიზაცია "საერთაშორისო გამჭვირვალობა - საქართველო" ავრცელებს.
როგორც ორგანიზაცია წერს, 1 700-მდე კომპანიის:
- 82,1% საინფორმაციო ტექნოლოგიების სფეროში საქმიანობს;
- 4,4% - განათლების, ხელოვნებისა და გართობის;
- 4,9% - დიზაინერულ და სარეკლამო სფეროში;
- 3,3% - ვაჭრობისა და წარმოების სფეროში;
- 5,3% კი სხვადასხვა მომსახურების სფეროში.
შეგახსენებთ, რომ მანამდე TI-იმ გაავრცელა ინფორმაცია, რომ რუსეთის მოქალაქეები საქართველოში თვეში საშუალოდ 1 300 კომპანიას არეგისტრირებენ.
