პოლტავის ოლქში, სოფელ გოგოლევზე რუსული სარაკეტო თავდასხმის შედეგად დაღუპულთა რიცხვი 3-მდე გაიზარდა. ინფორმაციას პოლტავის ოლქის რეგიონული სამხედრო ადმინისტრაციის უფროსი, დმიტრო ლუნინი, Telegram-ზე ავრცელებს.
შეგახსენებთ, გასულ ღამეს რუსმა ოკუპანტებმა იერიში პოლტავის ოლქის სამრეწველო ობიექტებზე მიიტანეს. როგორც ლუნინი ამბობდა, რუსულმა რაკეტამ მთლიანად გაანადგურა საწარმოო სახელოსნო. დაშავდა ორი ადამიანიც, ერთი კი დაკარგულად ითვლება.
