ლიბიაში, დამანგრეველი ქარიშხლისა და წყალდიდობის შედეგად, სულ მცირე, 2 000 ადამიანი დაიღუპა
გამოქვეყნდა:
ლიბიაში, დამანგრეველ ქარიშხალ "დანიელს" და წყალდიდობას სულ მცირე 2 000 ადამიანი ემსხვერპლა, ასობით ადამიანი კი უგზო-კვლოდ დაკარგულად ითვლება.
როგორც Aljazeera წერს, ქარიშხალმა გაანადგურა ათასობით შენობა დერნაში, დააზიანა სანაპიროზე მდებარე სხვა დასახლებებიც, სადაც წყლის დონემ 3 მეტრით აიწია, რასაც, სულ მცირე, 150 ადამიანი ემსხვერპლა.
ლიბიის აღმოსავლეთში დაფუძნებულმა პარლამენტმა ქვეყანაში სამდღიანი გლოვა გამოაცხადა.
შეგახსენებთ, რომ ლიბიამდე ქარიშხალმა "დანიელმა" საბერძნეთში დამანგერეველი შედეგები გამოიწვია.
