"ადამიანი, რომელიც გადაუხვევს კანონს, გახდება შესაბამისი სტრუქტურების ინტერესის საგანი"

"ქართული ოცნების" დეპუტატის, გია ვოლსკის განცხადებით, ნებისმიერი ადამიანი, რომელიც გადაუხვევს იმ კანონს, რომელიც "საქართველოში მკაცრად მოქმედებს", გახდება შესაბამისი სტრუქტურების ინტერესის საგანი.

ვოლსკის მტკიცებით, ბიძინა ივანიშვილს ბოლო პერიოდში არანაირი კავშირი არ აქვს ქართულ პოლიტიკასთან.

"ტაშ-ფანდური აქვთ ატეხილი, რომ აი ფარცხალაძეს დაუწესეს სანქცია. ნებისმიერი ადამიანი, რომელიც გადაუხვევს იმ კანონს, იმ წესრიგს რომელიც საქართველოში მკაცრად მოქმედებს, რასაკვირველია, გახდება შესაბამისი სტრუქტურების ინტერესის საგანი. რაც შეეხება ივანიშვილს, ივანიშვილს საერთოდ პოლიტიკურ თემებთან, ბოლო პერიოდში, მოყოლებული იქიდან როცა თქვა, რომ არა მაქვს კავშირი, კავშირი არ აქვს. ეს პიროვნული საკითხია, მაგრამ დარწმუნებული ვარ, რომ თქვენ გინდათ ბიძინა ივანიშვილისგან შექმნათ ადამიანი, რომელსაც რაღაცა საიდუმლო ძაფები უკავია ხელში და სინამდვილეში ეს არის ადამიანი, რომელსაც აქვს უშველებელი ჩამონათვალი სიკეთეების", - ამბობს გია ვოლსკი.

იხილეთ ასევე:

"ადამიანი, რომელიც გადაუხვევს კანონს, გახდება შესაბამისი სტრუქტურების ინტერესის საგანი" | ვოლსკი ფარცხალაძეზე

პოლიტიკა

იხილეთ ჩვენს ეთერში

დღის მთავარი