საქართველოსა და ჩინეთს შორის ყოველდღიური ავიარეისების შესრულება 27 სექტემბრიდან დაიწყება
გამოქვეყნდა:
TAV Georgia-ს განცხადებით, საქართველოსა და ჩინეთს შორის ყოველდღიური ავიარეისების შესრულება 27 სექტემბრიდან დაიწყება ფრენებს კომპანია China Southern Airlines შეასრულებს. ავიაკომპანია ამ ეტაპზე თბილისი-ურუმჩი-თბილისის მიმართულებით კვირაში სამი სიხშირით დაფრინავს.
"China Southern Airlines-ი საქართველოს ავიაბაზარზე, პანდემიით გამოწვეული სამწლიანი პაუზის შემდეგ, 2023 წლის იანვრიდან დაბრუნდა.
ავიაკომპანია რეგულარულ რეისებს თბილისი-ურუმჩი-თბილისის მიმართულებაზე Boeing-ის ტიპის საჰაერო ხომალდით შეასრულებს", - ვკითხულობთ განცხადებაში.
შეგახსენებთ, პრემიერ ირაკლი ღარიბაშვილის გადაწყვეტილებით, საქართველოში ჩინეთის მოქალაქეებისთვის უვიზო მიმოსვლა ამოქმედდა. ეკონომიკის მინისტრის განმარტებით, ჩინეთისა და საქართველოს შორის პირდაპირი ფრენები, პირველ ეტაპზე, კვირაში 7 სიხშირით განხორციელდება და ჩინეთის მოქალაქეებს ქვეყანაში უვიზოდ 30 დღის განმავლობაში შეეძლებათ დარჩენა.
