სად შეკრიბა ეს ნაყარნუყარი ხალხი იმ კაცმა - ელისაშვილი გორის საკრებულოს დეპუტატზე
გამოქვეყნდა:
პარტია "მოქალაქეების" ლიდერი, ალეკო ელისაშვილი გორის საკრებულოს "ქართული ოცნების" დეპუტატის მიერ ლუკაშენკოსთვის სოლიდარობის გამოცხადებას ეხმაურება. ამ თემაზე პოსტი მან საკუთარ Facebook-ზე გამოაქვეყნა და დაწერა - "სად შეკრიბა ეს ნაყარნუყარი ხალხი იმ კაცმა".
გორის საკრებულოს წევრი ოცნებიდან ლუკაშენკოს სოლიდარობას უცხადებს. ეს ნაყარნუყარი ხალხი სად შეკრიბა, სად მოაქუჩა იმ კაცმა. ვააახ, - წერს ალეკო ელისაშვილი.
შეგახსენებთ, რომ გორის საკრებულოს წევრი, სოსო მუმლაძე ბელორუსში განვითარებულ მოვლენებს სოციალური ქსელის საშუალებით გამოეხმაურა და ალექსანდრე ლუკაშენკოს სოლიდარობა გამოუცხადა.
სოსო მუმლაძემ ლუკაშენკოს მხარდამჭერი პოსტი Facebook-ის პირად გვერდზე გამოაქვეყნა, თუმცა მალევე წაშალა. მუმლაძე მმართველი გუნდიდან ერთადერთია, რომელმაც ბელორუსში მიმდინარე მოვლენებზე საკუთარი აზრი საჯაროდ დააფიქსირა. "მთავარმა" სოსო მუმლაძესთან დაკავშირება სცადა, მაგრამ მან ჩვენს ზარებს არ უპასუხა.
