დიდუბე-ჩუღურეთის ოლქში გაერთიანებული ოპოზიცია ზურა ჯაფარიძეს დაუჭერს მხარს

გამოქვეყნდა:

დიდუბე-ჩღურეთის ოლქში გაერთიანებული ოპოზიციის საერთო კანდიდატი "გირჩის" ლიდერი, ზურა ჯაფარიძე იქნება. ამის შესახებ ინფორმაცია ცოტა ხნის წინ, მოლაპარაკებების დასრულების შემდეგ "ლეიბორისტული" პარტიის ლიდერმა, შალვა ნათელაშვილმა გააჟღერა.

ოპოზიცია შეთანხმდა, რომ საბურთალოს ოლქში საერთო კანდიდატად ირაკლი ოქრუაშვილის კანდიდატურას დაუჭერენ მხარს.

შეგახსენებთ, რომ დიდუბე-ჩუღურეთის ოლქში "ქართული ოცნების" მაჟორიტარობის კანდიდატი გია ვოლსკია, ამ ოლქში მისი კონკურენტი "გირჩიდან" ზურა ჯაფარიძე იქნება. გარდა ამისა, მაჟორიტარობა მოძრაობა "ხალხისათვის" დამფუძნებელ ანა დოლიძესაც სურს. მათ, სავარაუდოდ, "ლელო საქართველოდან" დავით უსუფაშვილი შეურთდება. 

შეგახსენებთ, რომ საარჩევნო სისტემის ცვლილების შემდეგ, 2020 წლის საპარლამენტო არჩევნებზე ამომრჩეველმა ქვეყნის მასშტაბით 30 მაჟორიტარი უნდა აირჩიოს - მათგან 22 რეგიონებში, რვა კი თბილისში.

"ლეიბორისტული პარტიის" მაგიდის ირგვლივ გაერთიანებულმა ოპოზიციამ თბილისის ექვს მაჟორიტარულ ოლქში საერთო კანდიდატები 19 ივნისს წარადგინა. სია ასეთია: 

  • ვაკის რაიონში კენჭს "ევროპული საქართველოს" წევრი ელენე ხოშტარია იყრის;
  • გლდანში მაჟორიტარობისთვის "ნაციონალური მოძრაობის" ერთ-ერთი ლიდერი ნიკა მელია იბრძოლებს;
  • ამავე პარტიის წევრი, ლევან ხაბეიშვილი სამგორის ოლქში წარადგინეს;
  • მთაწმინდის რაიონში მაჟორიტარი დეპუტატობის კანდიდატი "თავისუფალი დემოკრატების" ლიდერი შალვა შავგულიძე იქნება;
  • "ლეიბორისტული პარტიის" ლიდერი შალვა ნათელაშვილი კი კენჭს ნაძალადევში იყრის; 
  • ისანში კი ოპოზიციის წევრებმა "სტრატეგია აღმაშენებლის" ლიდერი, გიორგი ვაშაძე წარადგინეს.
მთავარი 21:00
უყურეთ ბოლო გამოშვებას

იხილეთ ჩვენს ეთერში

დღის მთავარი