პენტაგონის ცნობით, შეერთებული შტატები ისრაელს საბრძოლო მასალასა და აღჭურვილობას მიაწვდის. ასევე, ჰამასის ისრაელზე თავდასხმის შემდეგ, ახლო აღმოსავლეთში ამერიკულ ძალებს გააძლიერებს.
"ამერიკის შეერთებული შტატების მთავრობა ისრაელის თავდაცვის ძალებს დამატებით აღჭურვილობასა და რესურსებს სწრაფად მიაწვდის", - განაცხადა აშშ-ის თავდაცვის მდივანმა ლოიდ ოსტინმა.
მისი თქმით, მან საფრენი ტექნიკის გადამზიდი USS Gerald R. Ford და მისი თანმხლები ხომალდები აღმოსავლეთ ხმელთაშუა ზღვისკენ უკვე გაუშვა და რეგიონში თვითმფრინავების გამანადგურებლებს კიდევ უფრო გააძლიერებს.
შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა.
სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
