ისრაელმა თავდამსხმელების საზღვაო ძალების სამხრეთ დივიზიის მეთაურის მოადგილე ტყვედ აიყვანა
გამოქვეყნდა:
ისრაელის საზღვაო ძალებმა ღაზაში "ჰამასის" საზღვაო ძალების სამხრეთ დივიზიის მეთაურის მოადგილე, მუჰამედ აბუ გალი ტყვედ აიყვანა. ინფორმაციას უცხოური მედია ქვეყნის არმიაზე დაყრდნობით ავრცელებს, თუმცა ამ დროისთვის სხვა დეტალები უცნობია.
შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა.
სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
