ამერიკის შეერთებული შტატების სახელმწიფო მდივანი ენტონი ბლინკენი 11 ოქტომბერს ისრაელში გაემგზავრება - ამის შესახებ სახდეპის პრესსპიკერმა ისაუბრა. როგორც მეთიუ მილერმა განაცხადა, სახელმწიფო მდივანი ისრაელის ხალხს ტერორიზმის წინაშე ბრძოლაში მხარდაჭერას გამოუცხადებს. მისივე თქმით, ბლინკენი ისრაელში ხუთშაბათს, 12 ოქტომბერს ჩავა.
შეგახსენებთ, 7 ოქტომბერს, ღაზის სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება ''ჰამასმა'' აიღო და მას ოპერაცია ''ალ-აკსას'' შტორმი ეწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია ''რკინის ხმლების'' დაწყება გამოაცხადა.
