მიმდინარე ომის გამო ისრაელში ადგილობრივი თვითმმართველობისა და რეგიონული საკრებულოს არჩევნები სულ მცირე სამი თვით გადაიდო. განცხადება შინაგან საქმეთა სამინისტრომ გააკეთა.
აღსანიშნავია, რომ ისრაელში ბოლოს არჩევნები 1973 წელს, იომ ქიფურის ომის დროს გადაიდო.
შეგახსენებთ, 7 ოქტომბერს, ღაზის სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება ''ჰამასმა'' აიღო და მას ოპერაცია ''ალ-აკსას'' შტორმი ეწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია ''რკინის ხმლების'' დაწყება გამოაცხადა.
