ისრაელის თავდაცვის ძალების (IDF) ცნობით, გასულ ღამეს მათ ღაზის სექტორიდან ისრაელში შეღწევის მცდელობისას, ორი პალესტინელი ტერორისტი მოკლეს.
IDF-ის თქმით, ორ შეიარაღებულ პირს მათ, ნაჰალ ოზის სამხრეთ თემთან, ტანკიდან ჭურვი ესროლეს.
ისრაელის თავდაცვის ძალები ასევე ამბობენ, რომ დრონით შეტევის დროს გაანადგურეს ტერორისტები, რომლებიც მათ ტერიტორიაზე შეჭრას ლიბანიდან ცდილობდნენ. თუმცა, IDF-ის დეტალებზე არ უსაუბრია.
შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა.
სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
