ისრაელი-"ჰამასის" ომთან დაკავშირებული აქციების გამო, თურქეთში აშშ-ის საკონსულო დაიხურა
გამოქვეყნდა:
ჩვენთან ერთად მოიპოვეთ თავისუფლება!
ისრაელი-"ჰამასის" ომთან დაკავშირებული საპროტესტო აქციების გამო, თურქეთში აშშ-ის საკონსულო დაიხურა. ინფორმაციას შეერთებული შტატების საელჩოზე დაყრდნობით უცხოური მედია ავრცელებს.
განცხადებაში წერია, რომ მომდევნო რამდენიმე კვირის განმავლობაში, თურქეთის მთელ ტერიტორიაზე ფართომასშტაბიანი დემონსტრაციებიაა მოსალოდნელი.
"შესაძლოა, ნებისმიერი შეკრება, თუნდაც ის მშვიდობიანი იყოს,გამწვავდეს და ძალადობრივი გახდეს. საპროტესტო აქტივობამ შეიძლება გზების ჩაკეტვა და მოძრაობის შეფერხება გამოიწვიოს" - ნათქვამია განცხადებაში.
შეგახსენებთ, რომ 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
იხილეთ ასევე:
