ოჯახში ძალადობის სტატისტიკა საგანგაშო ნიშნულზეა. შინაგან საქმეთა სამინისტრო ოფიციალურ მონაცემებს აქვეყნებს. ბოლო 9 თვის განმავლობაში ძალადობის 6 ათასამდე შემთხვევაა დადგენილი და ძირითად შემთხვევებში მსხვერპლი ქალები არიან. უმძიმესი და მზარდია ბავშვებზე განხორციელებული ძალადობის მონაცემები, მათ შორის სექსუალური. გომელაურის უწყება მხოლოდ გამოვლენილი შემთხვევების სტატისტიკას ასაჯაროებს რაც იმას ნიშნავს, რომ ქვეყანაში ძალადობის მაჩვენებელი გაცილებით მაღალია.
