ბრძოლა "სრული ძალებით" გაგრძელდება, ცეცხლის შეწყვეტა არ იქნება, სანამ ყველა მძევალს არ გაათავისუფლებენ | ნეთანიაჰუ
გამოქვეყნდა:
"ჰამასის წინააღმდეგ ომი წინ მიიწევს სრული ძალით და მას აქვს ერთადერთი მიზანი - გამარჯვება, გამარჯვების ალტერნატივა არ არსებობს" - ამის შესახებ ისრაელის პრემიერმინისტრმა, ბენიამინ ნეთანიაჰუმ, განაცხადა.
მისი თქმით, ცეცხლის შეწყვეტა არ იქნება, სანამ ყველა მძევალს არ გაათავისუფლებენ.
" არ იქნება ცეცხლის შეწყვეტის შეთანხმება ყველა გატაცებულის დაბრუნებამდე", - განაცხადა ნეთანიაჰუმ.
ამ დროის მონაცემებით, ტერორისტულ დაჯგუფება "ჰამასს" ღაზაში 239 მძევალი ჰყავს აყვანილი. საერთაშორისო საზოგადოება, მათ შორის, არაერთი მსოფლიო ლიდერი ისრაელს ცეცხლის შეწყვეტისკენ მოუწოდებს.
შეგახსენებთ, რომ 7 ოქტომბერს, ღაზის სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
