ძალადობის საგანგაშო სტატისტიკა - საქართველოში მკვეთრად გაზრდილია სქესობრივი დანაშაულის რაოდენობა. ოფიციალური მონაცემებით წლის პირველ 9 თვეში ძალადობის 400-ზე მეტი ფაქტია დაფიქსირებული, მათ შორის გაუპატიურება და გარყვნილი ქმედებაც. თუმცა საყოველთაო შეფასებით ეს მონაცემები არ ასახავს რეალობას. უფლებადამცველები მოითხოვენ, რომ შინაგან საქმეთა სამინისტრომ და მთლიანად ხელისუფლებამ, გაამკაცროს მოქმედება ამ ტიპის დანაშაულის წინააღმდეგ, განსაკუთრებით იმ შემთხვევებში როდესაც საქმე ეხება ბავშვებს.
