ზეწოლა და მუქარა ამომრჩეველზე - რამაზ კენჭოშვილი "მთავართან" ამბობს, რომ მას "ქართული ოცნების" კოორდინატორი დაუკავშირდა და დაემუქრა.
თქვენ ხომ იცით თქვენი შვილები სად მუშაობენ, ჩვენ უნდა მოგვცეთ ხმაო. ჩემი შვილები მუშაობენ მანგანეზში, - ყვება კენჭოშვილი.
თავდაპირველად, ჭიათურის მკვიდრმა კენჭოშვილმა სოციალურ ქსელში სტატუსი გამოაქვეყნა, სადაც მუქარის ფაქტზე საუბრობდა.
ვიღაც ნარგიზა მირეკავს, ხმა მიეცი ოცნებას თუ არა ხომ იცი სად მუშაობენ შენი ცოლ-შვილიო. მეორე მოსახლეობას ეუბნება, ბანკები სესხებს გაგინახევრებენო, მირჩიეთ რა ვქნა, - წერს რამაზ კენჭოშვილი.
შეგახსენებთ, რომ 2020 წლის საპარლამენტო არჩევნების თარიღს სალომე ზურაბიშვილი დღეს ოფიციალურად დაასახელებს. არჩევნების თარიღის ოფიციალურად დასახელების შემდეგ გახსნილად გამოცხადდება წინასაარჩევნო კამპანიაც.
