ფელიქს კაპანოვის მკვლელობაში ბრალდებული ძმები ბრალის ოფიციალურ წარდგენას ელოდებიან. სისხლიანი ანგარიშსწორება მოკლულის სახლთან მოხდა, სადაც ძმებმა კაპანოვს ჩასაფრება მოუწყვეს, ჯერ ფიზიკურად გაუსწორდნენ და სასტიკად ნაცემს მიჯრით ესროლეს. მძიმედ დაჭრილი მამაკაცი საკუთარ სახლთან დახმარების აღმოჩენამდე გარდაიცვალა. რას მოჰყვა დაპირიპირება, ამ დრომდე უცნობია, თუმცა გამოძიება დაპირისპირებულ მხარეებს შორის წარსულში არსებულ კონფლიქტთან დაკავშირებულ შურისძიებაზე მუშაობს.
