უკრაინის საჰაეროს ძალების მთავარსარდლის, ნიკოლა ოლესჩუკის ცნობით, უკრაინის საჰაერო ძალებმა დონბასში კიდევ ორი რუსული ავიაგამანადგურებელი სუ-34 ჩამოაგდეს.
"როგორც ჩანს, რუსი მფრინავები არ აკეთებენ დასკვნებს! დღეს, დილის 9:00 საათზე, დამპყრობლების კიდევ ორი სუ-34 განადგურდა ავდივისა და მარიუპოლის მიმართულებით!"- აცხადებს ოლესჩუკი.
ფაქტს ადასტურებს უკრაინის შეიარაღებული ძალების მთავარსარდალი ოლექსანდრ სირსკიც.
დღეს, 29 თებერვალს, უკრაინის საჰაერო ძალებმა ჯამში სამი რუსული სუ-34 ჩამოაგდეს. დილით გავრცელებული ინფორმაციით, აღმოსავლეთის მიმართულებაზე ორი რუსული ავიაგამანადგურებელი განადგურდა.
