ევროკავშირის სამეზობლო და გაფართოების საკითხებზე მოლაპარაკებების გენერალური დირექტორი პრეზიდენტს შეხვდა
გამოქვეყნდა:
ევროკომისიის გენერალური დირექტორი სამეზობლოს და გაფართოების შესახებ მოლაპარაკების საკითხებში, გერტ იან კოპმანი, პრეზიდენტ სალომე ზურაბიშვილს შეხვდა. დამატებითი დეტალები ჯერჯერობით უცნობია.
კოპმანი თბილისში დღეს ჩამოვიდა. ევროკავშირის წარმომადგენლობის მიერ გუშინ გავრცელებული ინფორმაციის მიხედვით, შეხვედრებზე ის ევროკავშირსა და საქართველოს შორის თანამშრომლობაზე, მათ შორის, კანდიდატის სტატუსთან დაკავშირებული 9 ნაბიჯის შესარულებისთვის საჭირო სამუშაოზე. თუმცა, საუბარი სავარაუდოდ რუსული კანონის საწინააღმდეგო აქციის დარბევასაც შეეხება.
ის შეხვდება პრემიერმინისტრ ირაკლი კობახიძეს, მთავრობისა წევრებს, მათ შორის, ვიცე–პრემიერს და ეკონომიკისა და მდგრადი განვითარების მინისტრს ლევან დავითაშვილს და საგარეო საქმეთა მინისტრს ილია დარჩიაშვილს. ასევე, პარლამენტის თავმჯდომარეს შალვა პაპუაშვილს, საპარლამენტო პარტიებისა და სამოქალაქო საზოგადოების წარმომადგენლებს და პარტნიორებს საინვესტიციო საკითხებში.
ასევე ნახეთ:
