პოლიტიკოს თაკო ჩარკვიანის დედას კორონავირუსი დაუდასტურდა. ჯერჯერობით უცნობია მისი ჯანმრთელობის მდგომარეობა და არის თუ არა გადაყვანილი ის საავადმყოფოში.
"დედას დაუდასტურდა კოვიდი აი ახლა კი ცუდად ვარ"-წერს ჩარკვიანი Facebook-ის საკუთარ გვერდზე.
"სტრატეგია აღმაშენებლის" წევრს და საბურთალოს ოლქში მაჟორიტარ კანდიდატს, თაკო ჩარკვიანს კორონავირუსი გუშინ, 11 სექტემბერს დაუდასტურდა. ჩარკვიანი ინფიცირების სავარაუდო წყაროდ, ერთ-ერთ ტელეკომპანიაში იმ მიკროფონს ასახელებს, რომელიც მისი თქმით ჯერ ლევან გოგიჩაიშვილს, შემდეგ კი თვითონ ეკეთა.
შეგახსენებთ, რომ მანამდე კორონავირუსი ასევე დაუდასტურდათ ლევან გოგიჩაიშვილს და მის მეუღლეს. გოგიჩაიშვილი ამბობს, ის თბილისიდან არ გასულა და არ იცის, ინფიცირების წყარო.
ბოლო 24 საათში, საქართველოში კორონავირუსით ინფიცირების რეკორდულად მაღალი - 158 ახალი შემთხვევა გამოვლინდა.
ბოლო მონაცემებით საქართველოში:
- კორონავირუსით ინფიცირებულია - 2 075;
- გამოჯანმრთელებულია - 1 363;
- მათ შორის გარდაცვლილია - 19;
- კარანტინის რეჟიმში რჩება - 5 882;
- სტაციონარში მეთვალყურეობის ქვეშ - 390, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსის შემთხვევათა რაოდენობამ 28 მილიონს გადააჭარბა.
