"ენმ უერთდება პრეზიდენტის მიერ ინიციირებულ "ქართულ ქარტიას" - ამის შესახებ განცხადებას "ერთიანი ნაციონალური მოძრაობა" Facebook-ზე ავრცელებს.
"ერთიანი ნაციონალური მოძრაობა" მიესალმება საქართველოს პრეზიდენტ სალომე ზურაბიშვილის ახალ ინიციატივას, რომლის მიზანსაც ევროკავშირში გაწევრიანებასთან დაკავშირებული გადასადგმელი ნაბიჯებისა და რეფორმების შესახებ პროდასავლური პარტიების საერთო ხედვის ჩამოყალიბება წარმოადგენს.
შესაბამისად, "ერთიანი ნაციონალური მოძრაობა" უერთდება პრეზიდენტის მიერ ინიციირებულ "ქართულ ქარტიას," - წერია განცხადებაში.
