რუსული კანონის საბოლოოდ მიღებამ ქვეყანაში შეუქცევადი პროცესები გამოიწვია. მძიმე და საგანგაშოა პროგნოზი, რომელსაც ექსპერტები საქართველოს ეკონომიკურ მდგომარეობასთან დაკავშირებით აკეთებენ. რეპრესიული კანონის მკვეთრად უარყოფითი შედეგი უკვე აისახა ყველა სფეროზე. ეროვნული ბანკის მცდელობის მიუუხედავად, ვერ ხერხდება ლარის კურსის ვარდნის შეჩერება, ქართული ბანკების აქციები საერთაშორისო ბირჟაზე კვლავ უფასურდება, პრობლემები ექმნება საავიაციო სექტორს. საერთაშორისო კომპანიები, საქართველოში განვითარებული მოვლენების გამო, ქართულ კომპანიებთან თანამშრომლობის ამ ეტაპზე წყვეტენ.
