"გონს მოეგეთ, ქვეყანას ღუპავენ, გღუპავენ თქვენ და თქვენს შვილებს… ჩამოშორდით ივანიშვილს და "ოცნებას" | ნიკა გვარამიას მიმართვა აშშ-ის მიერ გამოცხადებული სანქციების შემდეგ
გამოქვეყნდა:
"გონს მოეგეთ, ქვეყანას ღუპავენ, გღუპავენ თქვენ და თქვენს შვილებს… ჩამოშორდით ივანიშვილს და "ოცნებას", - ასე მიმართავს პარტია "ახალის" თანათავმჯდომარე ნიკა გვარამია "ქართული ოცნების" წევრებს. ამის შესახებ მან "მთავარი არხის" ეთერში, გადაცემაში "ღამის მთავარი" განაცხადა.
"აშშ-ის მიერ პარტიის და პოლიტიკური ჯგუფის დასანქცირება, რაც მე მახსენედება, ეს არის ჰამასი... "ქართულ ოცნებას" ვულოცავ, რომ ჰამასის კატეგორიაში გადავიდა. დასანქცირდნენ ისინი ვინც არბევენ მიტინგებს ის ვინც ქართულ დემოკრატიას და ზოგადად დემოკრატიის პრინციპებს არღვევს. [ძალოვანებიც] მათ შორის ხარებაა ერთ-ერთი, როგორც სიმბოლური ფიგურა.
მე მინდა "ქართულ ოცნებას" კიდევ ერთხელ "მთავარი არხის" ეთერიდან ვუთხრა რომ ძალიან ცოტა დრო არის და გონს მოეგეთ. წადით იქიდან, სადაც ღუპავენ ქვეყანას, სადაც გღუპავენ თქვენ პერსონალურად, თქვენს შვილებს და მომავალ თაობებს. წადით, გაეცალეთ, დრო ჯერ კიდევ არის. ჩამოშორდით ივანიშვილს და "ოცნებას", - განაცახდა ნიკა გვარამიამ.
- აშშ-ის სახდეპმა საქართველოში რუსული კანონის მხარდაჭერისთვის სანქციების პირველი პაკეტი გამოაცხადა
- სახდეპის მიერ გამოცხადებული სანქციები "ოცნების" დეპუტატებს, მათ ოჯახის წევრებს და პოლიციელებს შეეხება | მილერის განცხადება
