ჩვენთან ერთად მოიპოვეთ თავისუფლება!
რუსი ოპოზიციონერი, ვლადიმერ კარა-მურზა თავისუფალია. ინფორმაციას გამოცემა The Guardian ავრცელებს.
ცნობილია, რომ კარა-მურზა პატიმრების მასშტაბური გაცვლის ფარგლებში გათავისუფლდა - გაცვლა ანკარაში, თურქეთის დაზვერვის სამსახურის მეთვალყურეობით, აშშ-ს, რუსეთს, გერმანიასა და დასავლეთის კიდევ სამ ქვეყანას, პოლონეთის, სლოვენიასა და ნორვეგიას შორის წარიმართა.
გამოცემა The Guardian წერს, რომ გაცვლის შედეგად კარა-მურზასთან ერთად გათავისუფლდა კიდევ რამდენიმე რუსი პოლიტპატიმარი, მათ შორის იაშინი, ერთ-ერთი ყველაზე ცნობილი რუსი ოპოზიციონერი, რომელსაც უკრაინაში რუსეთის ომის დაგმობისთვის 8,5 წლით თავისუფლების აღკვეთა 2022 წლის ბოლოს მიესაჯა.
ამ დროისთვის სხვა გათავისუფლებულების შესახებ ინფორმაცია ცნობილი არაა.
