თეთრი სახლი ადასტურებს, რომ პატიმრების გაცვლის პირვანდელ სიაში ალექსეი ნავალნიც იყო
გამოქვეყნდა:
თეთრი სახლი ადასტურებს, რომ პატიმრების გაცვლის პირვანდელ სიაში რუსი ოპოზიციონერი, პუტინის რეჟიმს ციხეში შეწირული ალექსეი ნავალნიც იყო - ამის შესახებ აშშ-ის მრჩეველმა ეროვნული უსაფრთხოების საკითხებში, ჯეიკ სალივანმა განაცხადა.
შეგახსენებთ, რომ 1-ელ აგვისტოს, ანკარაში, რუსეთსა და აშშ-ის, ასევე კიდევ რამდენიმე დასავლური ქვეყნის მოლაპარაკებების ფარგლებში 26 პატიმრის გაცვლა მოხდა. გათავისუფლებულთა შორისაა რუსი ოპოზიციონერი კარა-მურზა, ასევე, Wall Street Journal-ის რეპორტიორი ევან გერშკოვიჩი და ზელიმხან ხანგოშვილის მკვლელობაში ბრალდებული ვადიმ კრასიკოვი.
ცნობისთვის, ოპოზიციონერი პოლიტიკოსი და ბლოგერი ალექსეი ნავალნი რუსეთის ციხეში 16 თებერვალს დაიღუპა.
