კერძო სახლები, ვილები და მიწის ნაკვეთები მოსკოვში | ოლიგარქი ივანიშვილის რუსული ქონება
გამოქვეყნდა:
ბიძინა ივანიშვილის რუსული მილიონები და უძრავი ქონება. ჟურნალისტური გამოძიებით დგინდება ფაქტები, რომლებიც ადასტურებს, რომ ოლიგარქს არასდროს გაუწყვეტია ურთიერთობა რუსეთთან. სამი სახლი მოსკოვსა და მის გარეუბნებში, ავტოფარეხებით და დამხმარე ნაგებობებით, ათასობით კვადრატული მეტრი მიწა - ეს ივანიშვილების რუსული ქონების მხოლოდ მცირე ნაწილია. ბოლო გარიგება ოლიგარქმა სულ რამდენიმე თვის წინ გააფორმა, როდესაც რუსეთის დედაქალაქის პრესტიჟულ გარეუბანში მორიგი ვილა შეიძინა. ამის გარდა ივანიშვილები ფლობენ ბიზნესსაც ოკუპანტ ქვეყანაში და აქტიურად მუშაობენ უძრავი ქონების ბაზარზე. ჟურნალისტური გამოძიებთ დადგინდა ისიც, რომ ქონების ოფიციალურ მფლობელებად მილიარდერს საკუთარი მეუღლე და უფროსი ვაჟი ჰყავს გაფორმებული.
