ხაშურში წყალარინების სისტემის ქსელის განვითარებისთვის მთავრობა საფრანგეთის სახელმწიფოსგან 30 მლნ ევროს სესხს იღებს - ამის შესახებ, ირაკლი კობახიძის მიერ 15 აგვისტოს ხელმოწერილ #1155 განკარგულებაშია ნათქვამი.
დოკუმენტის მიხედვით, შესაბამისი თანხმობა მთავრობამ ფინანსთა სამინისტროს უკვე მისცა. სესხი 20 წლით გაიცემა. მისი პროცენტი კი, ჩამორიცხვის მომენტში დაზუსტდება მხარეთა შეთანხმების საფუძველზე. საშეღავათო პერიოდი 5 წელია.
ხაშურში ეს პროექტი ჯერ კიდევ გასულ წელს საფრანგეთისა და ევროკავშირის მხარდაჭერით დაიწყო და პროექტის ფარგლებში წყალმომარაგების ახალი ქსელი უნდა მოწყობილიყო. ახლა კი პროექტის დასასრულებლად ხელისუფლება დამატებით თანხებს ითხოვს.
