საკონსტიტუციო სასამართლომ საკუთარი მოვალეობა არ შეასრულა, ვაგრძელებთ ბრძოლას | არასამთავრობოები
გამოქვეყნდა:
ქართული არასამთავრობო ორგანიზაციები საკონსტიტუციო სასამართლოს გადაწყვეტილებაზე, რომელმაც არ შეაჩერა რუსული კანონის მოქმედება, ერთობლივ განცხადებას ავრცელებენ.
განცხადებაში ნათქვამია, რომ საკონსტიტუციო სასამართლომ ვერ შეძლო დამოუკიდებელი გადაწყვეტილების მიღება, კვლავ "ქართული ოცნების" გავლენის ქვეშ მოექცა და ვერ შეასრულა მასზე დაკისრებული ფუნქცია - კონსტიტუციის დაცვა.
ასევე განცხადებაში, არასამთავრობო ორგანიზაციები განსხვავებული აზრის დაფიქსირებისთვის ორ მოსამართლეს მადლობას უხდიან და წერენ რომ რუსული კანონის წინააღმდეგ სამართლებრივ დავას აგრძელებენ.
"საკონსტიტუციო სასამართლოს გადაწყვეტილება, არ შეაჩეროს რუსული კანონის მოქმედება, მოკლებულია სამართლებრივ დასაბუთებას, არ ითვალისწინებს ადგილობრივი და საერთაშორისო ექსპერტების სამართლებრივ დასკვნებს და მოსამართლეთა მხრიდან კონსტიტუციის ღალატს წარმოადგენს.
სასამართლოს ჰქონდა ისტორიული შანსი, შეწინააღმდეგებოდა ევროინტეგრაციის პროცესის შეჩერებას, არ დაეშვა მოქალაქეთა კონფიდენციალური ინფორმაციაზე მთავრობის უკონტროლო წვდომა და დამდგარიყო საკუთარი ხალხის გვერდით, ვინც თვეების განმავლობაში, სამთავრობო ძალადობის მიუხედავად, ურყევად ეწინააღმდეგებოდა რუსულ კანონს. სამწუხაროდ, საკონსტიტუციო სასამართლომ ვერ შეძლო დამოუკიდებელი გადაწყვეტილების მიღება, ის კვლავ მოექცა მმართველი პარტიის გავლენის ქვეშ და ვერ შეასრულა მასზე დაკისრებული ფუნქცია - კონსტიტუციის დაცვა.
ქართული მედია და არასამთავრობო ორგანიზაციები მადლობას ვუხდით ორ მოსამართლეს განსხვავებული აზრისთვის და ვაგრძელებთ ბრძოლას საქართველოში ავტორიტარიზმისა და ცენზურის დამყარების წინააღმდეგ. ჩვენ გავაგრძელებთ სამართლებრივ დავას რუსული კანონის წინააღმდეგ, როგორც ქვეყნის შიგნით, ისე - საერთაშორისო ინსტიტუტებში, და ქართველი ხალხის მხარდაჭერით, აუცილებლად მივაღწევთ მის საბოლოო და უპირობო გაუქმებას," - წერია საერთო განცხადებაში.
ხელმომწერები:
1. ადამიანის უფლებათა ცენტრი (HRC)
2. აღმოსავლეთ ევროპული ცენტრი მრავალპარტიული დემოკრატიისთვის
3. ბათუმის დამოუკიდებელი ცხოვრების ცენტრი
4. განვითარებისა და დემოკრატიის ცენტრი (CDD)
5. დემოკრატიის ინსტიტუტი
6. დემოკრატიის კვლევის ინსტიტუტი
7. დემოკრატიის კვლევის ცენტრი (DRC)
8. დემოკრატიის მცველები
9. ევროპის ფონდი
10. ევროპულ-ქართული ინსტიტუტი (EGI)
11. ეკონომიკური პოლიტიკის კვლევის ცენტრი
12. თავისუფალ ჟურნალისტთა სახლი
13. თბილისი პრაიდი
14. ინფორმაციის თავისუფლების განვითარების ინსტიტუტი (IDFI)
15. მედიის განვითარების ფონდი
16. მუნიციპალური დემოკრატიის განვითარების ცენტრი
17. მწვანე ალტერნატივა
18. მწვანე სექტორი
19. მხარდაჭერისა და შესაძლებლობის განვითარების ცენტრი
20. პარტნიორობა ადამიანის უფლებებისთვის
21. პრევენცია პროგრესისთვის
22. რეგიონული პარტნიორობის ცენტრი (RPC)
23. საეა იმერეთის წარმომადგენლობა
24. საერთაშორისო გამჭვირვალობა საქართველო
25. საზოგადოებრივი მოძრაობა მწვანეები
26. სამართლიანი არჩევნებისა და დემოკრატიის საერთაშორისო საზოგადოება
27. სამეცნიერო-ინტელექტუალური კლუბი "თაობათა დიალოგი" - RICDOG
28. სამოქალაქო ინტეგრაციისა და ეროვნებათშორისი ურთიერთობების ცენტრი
29. სამოქალაქო მოძრაობა თავისუფლებისთვის
30. სამოქალაქო საზოგადოების ფონდი
31. სამოქალაქო სოლიდარობის ფონდი
32. საორსა
33. საფარი
34. საქართველოს ახალგაზრდა იურისტთა ასოციაცია
35. საქართველოს დემოკრატიული ინიციატივა (GDI)
36. საქართველოს ევროპული ორბიტა
37. საქართველოს მედია-კლუბი
38. საქართველოს მომავლის აკადემია
39. საქართველოს რეფორმების ასოციაცია
40. საქართველოს სამოქალაქო საზოგადოების განვითარების ასოციაცია (ACSDG)
41. საქართველოს სასამართლოს გუშაგი
42. საქართველოს სასოფლო დარბაზი
43. სოლიდარობის თემი
44. სოციალური სამართლიანობის ცენტრი
45. ტოლერანტობისა და მრავალფეროვნების ცენტრი
46. უფლებები საქართველო
47. ფემინა
48. ქალთა ინიციატივების მხარდამჭერი ჯგუფი
49. ღია სივრცე კავკასია
50. ყვარლის ევროკლუბი
51. შშმ ქალთა ალიანსი
52. ცვლილებები თანაბარი უფლებებისათვის
53. წამების მსხვერპლთა ფსიქოსოციალური და სამედიცინო რეაბილიტაციის ცენტრი-GCRT
54. BelGeo Fusion
55. EUROBRIDGE
56. ForSet
57. GrlzWave
58. Populus Rei
59. ProActive Group Georgia
იხილეთ:
