საქართველოში ფინანსური პოლიციის მიერ ჩატარებულ ჩხრეკებს ყოფილი ევროპარლამენტარი ვიოლა ფონ კრამონი X-ზე ეხმაურება.
"ეს არის საქართველოში მკვლევართა წინააღმდეგ დაშინებისა და რეპრესიების ახალი დონე, არჩევნების წინ. როგორი ბინძური რეჟიმია თბილისში, რომელიც იგივე მეთოდებს იყენებს, რასაც KGB და FSB იყენებენ მოსკოვში", - წერს ვიოლა ფონ კრამონი.
დღეს დილიდან თბილისში საგამოძიებო მოქმედებები ჩატარდა ამერიკულ კომპანიაში, გაჩხრიკეს "ატლანტიკური საბჭოს" თანამშრომლების - ეთო ბუზიაშვილის, სოფო გელავასა და მისი მეუღლის - გიორგი ნონიაშვილის სახლები, ხოლო ქუთაისში ბიზნესმენ ვალერი ტყეშელაშვილის სახლი. ფინანსურმა ყველა ლოკაციიდან კომპიუტერული ტექნიკა ამოიღონ.
ფინანსთა სამინისტროს საგამოძიებო სამსახური აცხადებს, რომ ჩხრეკა 3 სავარაუდო ე. წ. "ქოლცენტრში" ჩატარდა.