ერთიანობა ნაციონალური მოძრაობის წევრის, დავით კირკიტაძის ინფორმაციით, "ოცნების" ეგიდით, სახელმწიფო მოხელე მათი კოალიციის საარჩევნო კომისიის წევრებს ურეკავს და სატელევიზიო ინტერვიუთი საარჩევნო უბნიდან გამოსვლის სანაცვლოდ, სამსახურს ჰპირდება. კირკიტაძე სადამკვირვებლო ორგანიზაციებს მიმართავს ა წერს, რომ არსებობს შესაბამისი დამადასტურებელი ჩანაწერიც:
"სადამკვირვებლო ორგანიზაციების წარმომადგენლებო.
ქართული ოცნების ეგიდით მოქმედი, სახელმწიფო მოხელე ურეკავს ერთიანობა ნაციონალური მოძრაობის - საარჩევნო კოალიციის კომისიის წევრებს და საარჩევნო უბნიდან, სატელევიზიო ინტერვიუთი გამოსვლის სანაცვლოდ ჰპირდება სამსახურში მოწყობას!!!
გვაქვს დამადასტურებელი ჩანაწერი" წერს კირკიტაძე.