დღეს ქართველ ხალხთან ერთად ამ ხელისუფლებას პლაცკარტის ბილეთი გამოვუწერე, რუსეთში | მარგველაშვილი
გამოქვეყნდა:
დღეს ქართველ ხალხთან ერთად ამ ხელისუფლებას პლაცკარტის ბილეთი გამოვუწერე, სადაც მათი ადგილია, რუსეთის ფედერაციაში, - განუცხადა ჟურნალისტებს საქართველოს მეოთხე პრეზიდენტმა და კოალიცია „ძლიერი საქართველოს“ წევრმა, გიორგი მარგველაშვილმა. როგორც ის ამბობს,
ამომრჩევლის აქტიურობა ხელისუფლების ცვლილების მანიშნებელია.
“ხედავთ რიგია და ეს ნიშნავს საქართველოში მხოლოდ ერთს, როდესაც ამდენი ამომრჩეველი მოდის, ეს არის ნათელი გზავნილი, რომ ხელისუფლება იცვლება. დღეს მეც, ქართველ ხალხთან ერთად, გამოვუწერე პლაცკარტის ბილეთი ამ ხელისუფლებას, სადაც მათი ადგილია, რუსეთის ფედერაციაში. ასეთია ჩემი განწყობა და იმ ადამიანებისა, ვისაც მე აქ ვხედავ. როცა ოპოზიციას შეუძლია საკუთარი ამომრჩევლის გამოყვანა, ეს ნიშნავს, რომ სტაბილური რაც აქვს ხელისუფლებას, იმაზე მეტი გამოდის. ეს არის ჯამურად ოპოზიციის გამარჯვება. მოლოდინი მაქვს ადეკვატური და ერთიანი მოსახლეობასთან ერთად - სიახლის, ახლის დაწყების, ამ დამყაყებულის დამთავრების და გაშვების“, - განაცხადა მარგველაშვილმა ხმის მიცემის შემდეგ. [ipn]
არჩევნები 2024 | მთავარის სპეცეთერი [მთავარი 18:00 საათზე]
უყურეთ ბოლო გამოშვებას
