ISFED: პარალელური დათვლის მონაცემები არ გამოაცხადდა, ვინაიდან იგი ვერ იქნება გამოყენებული, როგორც 2024 წლის საარჩევნო პროცესის ვალიდურობის საზომი
გამოქვეყნდა:
სამართლიანი არჩევნები პარალელური დათვლის მონაცემების გამოქვეყნებასთან დაკავშირებით განცხადებას ავრცელებს. არასამთავრობო ორგანიზაცია განმარტავს მიზეზს, რის გამოც "სამართლიანმა არჩევნებმა", ორგანიზაციის ისტორიაში პირველად, არჩევნების შედეგებთან დაკავშირებული ხმების პარალელური დათვლის მონაცემები არ გამოაცხადა.
2024 წლის საპარლამენტო არჩევნების წინასაარჩევნო პერიოდში და არჩევნების დღეს გამოვლენილი ფუნდამენტური ხასიათის დარღვევების ერთობლიობამ გავლენა მოახდინა ამომრჩევლის თავისუფალი ნების გამოვლენაზე და, შესაბამისად, არჩევნების შედეგები ვერ განიხილება როგორც საქართველოს ამომრჩევლის ნების გამოხატულება.
აქედან გამომდინარე, "სამართლიანმა არჩევნებმა", ორგანიზაციის ისტორიაში პირველად, არჩევნების შედეგებთან დაკავშირებული ხმების პარალელური დათვლის მონაცემები არ გამოაცხადა, ვინაიდან იგი ვერ იქნება გამოყენებული, როგორც 2024 წლის საარჩევნო პროცესის ვალიდურობის საზომი. - ნათქვამია განცხადებაში.
